Unë jam 108 vjeç, mbaj qen në vend të fëmijëve për jetëgjatësi – zbuloi një e moshuar angleze
Anglezja 108-vjeçare Ada Daniel ia ka treguar sekretin e jetëgjatësisë stafit të shtëpisë së të moshuarve ku jeton. Ajo beson se çelësi i jetëgjatësisë së saj është mbajtja e qenve në vend të fëmijëve.
Për ditëlindjen e saj të 108-të në qershor, ajo mori më shumë se 300 letra nga dashamirës, duke përfshirë një kartolinë nga Mbreti dhe Mbretëresha, raportuan mediat britanike.
Në një deklaratë për BBC, punonjësja në shtëpinë e të moshuarve ku ajo jeton, Kelly Gusher, tha se pensionistja ishte “padyshim një personazh”.
“Një herë e pyeta se cili ishte sekreti i saj dhe ajo tha se sekreti ishte të kesh qen, jo fëmijë”, thotë Gusher.
Gusher dëshmon se shtëpia e të moshuarve ndihmoi për ditëlindjen e Adës. Ajo ishte e emocionuar për ditëlindjen e saj që nga fillimi i prillit – kështu që shtëpia vendosi të niste një apel për ta ndihmuar atë të festonte.
Në faqen e shtëpisë në Facebook, ata shpërndanë foto të një Ada të buzëqeshur me një pije verore në dorë.
“Ada jonë e bukur mbush 108 vjeç të enjten më 1 qershor. Ne dëshirojmë të marrim 108 kartolina për ditëlindje për të shënuar këtë rast”, shkruan shtëpia në postim.
Të nesërmen kishin 135 mesazhe nga njerëz që donin t’i dërgonin urime Adës.
