Ushqimet më të shtrenjta në botë: Duhet të shpenzoni një pasuri të vërtetë për to
Ka një gamë të tërë ushqimesh në botë që janë aq të shtrenjta sa që shumë njerëz nuk i provojnë kurrë
Këto ushqime nuk janë të destinuara për vaktet e përditshme dhe zakonisht shijohen në sasi më të vogla edhe nga njerëzit më të pasur.
Shafrani është erëza më e shtrenjtë në botë dhe çmimi për gjysmë kilogrami arrin rreth 1250 euro. Çmimi është pjesërisht i justifikuar kur merret parasysh fakti se gjysmë kilogrami shafran kërkon 75 mijë lule.
Lulja e shafranit lulëzon vetëm një javë në vit dhe mbledhja e kësaj erëze është një punë shumë fitimprurëse, por e vështirë.
Për një pjesë të peshkut fugu në Japoni, duhet të shpenzoni rreth 400 euro. Ky peshk nuk është i rrezikuar dhe as i vështirë për t’u kapur, por sekreti i çmimit të lartë qëndron në përgatitjen. Peshku Fugu përmban helm vdekjeprurës dhe vetëm ekspertët më të mëdhenj mund ta përgatisin atë për konsum. Shefat e kuzhinës duhet së pari të kalojnë një arsim trevjeçar për të punuar me peshkun fugu, e gjitha kjo reflektohet në çmim.
Është e vështirë të besohet se një shalqi i vetëm mund të arrijë 5000 euro, por këto janë pikërisht ato lloj shalqinjsh që shiten në Japoni. Për shkak se është një shalqi që kërkon shumë hapësirë dhe kujdes intensiv disa mujor, në Japoni shitet në ankande të specializuara dhe konsumohet vetëm për raste të veçanta, si dasma.
Tartufi i bardhë
Tartufi i zi njihen si “diamantet e zeza”, por tartufi i bardhë është edhe më i shtrenjtë. Në natyrë, ato gjenden veçanërisht në Itali, dhe mund të gjenden edhe në Kroaci, veçanërisht në Istria. Për të gjetur këtë ushqim të vlefshëm, përdoren qen dhe derra të stërvitur dhe procesi i stërvitjes është mjaft kërkues. Për gjysmë kilogrami tartuf të bardhë të freskët, duhet të ndahen rreth 8600 euro.
Mish viçi Kobe
Një tjetër delikatesë e shtrenjtë që vjen nga Japonia është viçi Kobe. Është një copë viçi i zi me yndyrë që vjen nga provinca Hyogo. Mitet se si kafshët masazhohen dhe ushqehen me birrë për të marrë viçin Kobe nuk janë të vërteta, por procesi i mbarështimit dhe prodhimit është me të vërtetë shumë rigoroz. Kjo është arsyeja pse një bagëti mund të arrijë një çmim prej 330,000 euro.
Ky peshk i njohur në tregjet japoneze arrin çmimin mbi 3500 euro për gjysmë kilogrami dhe në fillim të vitit 2020 një ton me peshë 270 kilogramë shitej për 1.5 milionë euro rekord. Çmimet e tonit të kuq do të rriten vetëm në të ardhmen pasi është një peshk që pothuajse është zhdukur nga oqeani për shkak të mbipeshkimit.
