Ushtarët ukrainas kanë rrëzuar një helikopter rus

Helikopteri thuhet se është një Mil Mi-24, i cili u rrëzua pas një sulmi me top zjarri.

Pamjet e momentit janë publikuar nga Forcat Tokësore të Forcave të Armatosura të Ukrainës, shkruan thesun.

“Në rajonin e Donetskut, luftëtarët e mbrojtjes territoriale të Ukrainës rrëzuan helikopterin ushtarak rus Mi-35M”, shkruan në njoftimin e tyre.

Rusia pushtoi Ukrainën më 24 shkurt në atë që Kremlini e quan një “operacion special ushtarak” për “çlirimin e Donbasit”.

Shtabi i Përgjithshëm i Forcave të Armatosura të Ukrainës raportoi se midis 24 shkurtit dhe 17 qershorit, Rusia ka humbur rreth 32,950 ushtarë, 1,449 tanke, 3,545 automjete të blinduara luftarake, 729 artileri, 233 sisteme raketash të shumëfishta lëshimi, 97 sisteme të mbrojtjes ajrore, 213 aeroplanë luftarakë, 179 helikopterë, 591 dronë taktikë, 129 raketa lundrimi, 13 anije luftarake, 2494 automjete motorike dhe cisterna karburanti dhe 55 pajisje speciale.