Ushtria bastis laboratorët e kokainës, siguronin 4 miliardë dollarë të ardhura në vit

Ushtria kolumbiane sekuestroi dy laboratorë kokaine në xhungël, që, sipas autoriteteve, furnizonin Kartelin e Sinaloas, dikur të drejtuar nga Joaquin El Chapo Guzman. Laboratorët i përkisnin Ushtrisë Kombëtare Çlirimtare, grupit më të madh gueril në vend me prirje të majta, që mendohet se siguron deri në 4 miliardë dollarë në vit nga trafikimi i kokainës.

- Advertisment -

Në një video të publikuar nga zyra e Prokurorisë së Përgjithshme të Kolumbisë tregohet momenti kur ushtarët zbresin me helikopter dhe bastisin një prej dy laboratorëve të ngritur nga Ushtria Kombëtare Çlirimtare në një pyll pranë brigjeve të Paqësorit në rajonin Narinjo (Nariño).

Forcat e sigurisë, të ndihmuar edhe nga agjentët e DEA-s amerikane arritën të sekuestronin edhe 2800 kg kokainë, me vlerë prej të paktën 95 milionë dollarësh.

Zyra e Prokurorit të Përgjithshëm të Kolumbisë tha se në të dy laboratorët janë prodhuar të paktën 3-4 tonë kokainë në muaj. Hetuesit mësuan se lënda narkotike ngarkohej në skafe që niseshin përmes Paqësorit për të mbërritur në Amerikën Qendrore, ku u dorëzohej më pas grupeve të lidhur me Kartelin e Sinaloas.

LEXO EDHE:

Back to top button