Vaksinimi kundër Covid-19 në Evropë, piloti gjerman “vizaton” figurën e një shiringe në qiell
Piloti gjerman Semi Kramer ka gjurmuar një shiringë gjigante në qiell, duke fluturuar 200 kilometra, për të kujtuar njerëzit për fillimin e fushatës së vaksinimit COVID-19 në Evropë. Piloti 20-vjeçar hartoi rrugën që do të duhej të ndiqte në një pajisje GPS dhe itinerari në formë shiringë u shfaq në faqen e internetit “flight radar 24”, transmeton Alsat.
“Ka ende relativisht shumë njerëz që kundërshtojnë vaksinimin dhe veprimi im mund të jetë një kujtesë për ta që të mendojnë për këtë, për të lëvizur gjërat për të mirë”, tha Kramer për Reuters. “Ndoshta ishte edhe një akt gëzimi, shtoi ai, sepse industria e aviacionit është goditur mjaft rëndë nga pandemia”.
