Vandalistët dëmtojnë shpellën mijëra vjeçare në Australi

Shpella Koonalda në Australi është art në vete, e cila daton që 22 mijë vjet më parë. Ajo konsiderohet vend i shenjtë për komunitetin autokton Mirning, ku me zbulimin e saj ndryshoi edhe kuptimi i historisë nga shkencëtarët.

Mirëpo, edhe pse e mbrojtur, ajo është vandalizuar me grafitë dhe kjo ka shqetësuar komunitetin. Kurse, autoritetet janë në kërkim të autorëve, raporton CNN.

“Vandalizmi i Shpellës Koonalda është shokues dhe zhgënjyes. Ajo ka rëndësi të veçantë për komunitetin Mirning dhe mijëra vjet histori të saj dëshmojnë për okupimin aborigjen në atë pjesë të vendit”, thotë një nga zyrtarët lokalë.