Vazhdon në Kuvend debati për zgjedhjen e Qeverisë së re

Në Kuvend sot ka nisur debati dy ditor për zgjedhjen e qeverisë së re. Në prezantimin e programit para deputetëve, mandatari, Dimitar Kovaçevski tha se ka një plan të detajuar për zgjidhjen e sfidave me të cilat po përballet vendi, si krizën energjetike, ngritjen e standardit të qytetarëve, por edhe zgjidhjen e kontestit me Bullgarinë. Opozita ndërkohë u shpreh pesimiste me programin e qeverisë e cila nuk ka legjitimitet dhe aftësi për të nxjerrë vendin nga kriza.