Video/ Goli i Thaqit në konkurencë për golin më të mirë në Ligën e Konferencës
Skuadra e Ballkanit ka marrë fitoren e parë në grupet e garave evropiane, duke triumfuar me rezultat 4-3 në udhëtim te Sivasspori. Golat në këtë fitore u shënuan nga Armend Thaqi (20’), Arbër Potoku (31’), Meriton Korenica (66’) dhe Ermal Kraniqi (90+4).
Megjithatë, pavarësisht se të gjithë golat ishin të bukur dhe ndërtuar nga aksion të rrjedhshme, njëri ka ‘vjedhur vëmendjen’ dhe po vlerësohet më shumë.
Është pikërisht goli i parë i shënuar nga mbrojtësi Armend Thaqi, i cili ishte i papërmbajtshëm me një supergol nga distanca. Reprezentuesi i Kosovës dërgoi një goditje të fortë, teknike dhe shumë të saktë nga rreth 30 metra, duke mos i dhënë asnjë mundësi portierit vendas.
Ky gol i Thaqit po vlerësohet lartë edhe nga vet Liga e Konferencës, e cila e ka zgjedhur në ‘Top 4’ nominimet për golin më të mirë të kësaj jave apo xhiros së tretë të ndeshjeve.
Who did it best on Matchday 3? 🔥
⚽️ Armend Thaqi
⚽️ Christian Kouamé
⚽️ Euclides Cabral
⚽️ Álex Baena@Heineken | #UECLGOTW | #UECL— UEFA Europa Conference League (@europacnfleague) October 6, 2022
Thaqi në këtë garë do të ketë kundërshtar emra si Kristian Kouame, Euklides Kabral dhe Aleks Baena, të cilët gjithashtu shënuan gola të bukur.