Video Lotaria Kasinos Austria – Mbështetës i Kulturës: Arrëthyesja në skenën e OBN-së
Videolotaria Kasinos Austria, në kuadër të partneritetit të saj me Operan dhe Baletin Nacional , ka kënaqësinë të njoftojë premierën e njërit prej baleteve më të preferuara të të gjitha kohërave – “Arrëthyesja” nga Petar Iliç Çajkovski.
Kjo fantazi magjike baleti në dy akte do të interpretohet në skenën e OBN-së sonte, më 8 prill, në orën 20:00.
Dirigjenti i shfaqjes është Eduard Ambarcumjan, ndërsa koreografia dhe libreti janë vepër e Sasha Evtimova.
Skenografia është nga Marija Veteroska, kostumet janë nga Marija Pupuçevska, koncert-maestro është Kliment Todorovski, ndërsa asistentë koreografë janë Dmitro Çebotar dhe Maja Mitrovska Bogojevska.
Rolet kryesore interpretohen nga: Hristina Naqevska Mitrashinoviq (Zana e Sheqerit), Francisko Himenez Ruiz (Kavalier), Balazh Loçei (Mbreti i Borës), Natasha Trendafilova Gicev (Mbretëresha e Borës), Igor Velanoski (Droselmaer), Boban Kovaçevski (Mbreti i Minjve), Veselin Trajkoski (Lukas – Arrëthyesi), Gala Koçevska (Klara) dhe Marko Mijatoviq (Fric). Në shfaqje marrin pjesë solistë të shquar, ansambli, orkestra dhe kori i Operas dhe Baletit Nacional, si dhe studentë nga departamenti i baletit të Shkollës së Baletit Ilija Nikolovski-Luj.
Mbështetja e projekteve kulturore është një pjesë e rëndësishme e strategjisë korporative të Videolotarisë Kasinos Austria. Ne besojmë fuqimisht se kultura është një nxitës i bukurisë, frymëzimit, spiritualitetit dhe bashkimit – vlera që pasurojnë komunitetin dhe kontribuojnë në zhvillimin e shoqërisë.
