Argjentina ka fituar me rezultat minimal 1-0 në transfertë ndaj Brazilit në ndeshjen e vlefshme për kualifikueset e Kupës së Botës 2026. Takimi i raundit të gjashtë të kualifikueseve të Amerikës së Jugut u luajt në stadiumin “Marakana” dhe fillimi i ndeshjes u vonua me gjysmë ore pasi shpërthyen trazira në tribuna. Në tribunë, tifozët argjentinas dhe policia braziliane u përleshën dhe portieri i Argjentinës, Emiliano Martinez u përfshi dhe arriti të godasë një nga policët gjatë përpjekjes për ta ndaluar.
Dibu clashes with the Brazilian police who assault fans 🔥🇦🇷
— Fahim (@GOATLeooooMessi) November 22, 2023
🚨🇧🇷🇦🇷 Crazy scenes in the stands at Maracanã between Brazilian police and Argentina fans.
Full footage by @_igorrodrigues 🎥 pic.twitter.com/lF4uzyI8A9
— Fabrizio Romano (@FabrizioRomano) November 22, 2023
Më pas, kapiteni i Argjentinës, Lionel Messi, i çoi bashkëlojtarët e tij në dhomat e zhveshjes në shenjë proteste dhe ata nuk donin të luanin derisa të garantohej siguria e tifozëve të tyre. Tensionet u transferuan nga tribuna në fushë dhe Gabriel Jesus goditi me bërryl kokën e Rodrigo de Paul.
Brazili pati rastin më të mirë për të shënuar në minutën e 58-të kur Jesus bashkëpunoi shkëlqyeshëm me shokun e tij të skuadrës nga Gabriel Martinelli i cili gjuajti bukur, por Martinez ndërhyri shkëlqyeshëm dhe shpëtoi portën. Vetëm pesë minuta më vonë, Argjentina shënoi golin që i dha fitoren dhe tri pikët.
Giovani Lo Celso goditi një këndore nga e majta, Nicolas Otamendi kërceu mbi Gabriel Maghalaes dhe mposhti Alison Becker për të çuar në festime të mëdha nga argjentinasit.
https://www.youtube.com/watch?v=tuIozjGR9Pg
Pas kësaj fitore, Argjentina është kryesuese e kualifikueseve të Amerikës së Jugut, ndërsa Brazili ka zbritur në vendin e gjashtë me humbjen e tretë radhazi
