VIDEO/ Realit s’i ndahen problemet, aksidentohet autobusi në autostradë

Autobusi i Real Madridit pësoi një dëmtim të vogël gjatë udhëtimit të kthimit nga Liverpooli në Madrid.

“A është autobusi i Real Madridit ky?” pyetën disa persona që ndanë imazhe të aksidentit.

Autobusi, i identifikuar qartë me ngjyrat e klubit – dhe pa lojtarët, të cilët udhëtonin me avion – u përplas me pjesën e pasme të një kamioni në autostradën M-40.

Përveç një feneri të thyer dhe disa gërvishtjeve në autobus, që përdoret nga skuadra për ndeshjet në Spanjë apo jashtë vendit, nuk pati pasoja të tjera.

Sipas gazetës “Marca”, dy shoferët, që kishin përpara një udhëtim prej 2.076 kilometrash, prisnin ta përshkonin këtë distancë për rreth 20 orë. Nuk pati as dëme të mëdha dhe as të lënduar për t’u raportuar.