VMRO: Zaev i mundësoi arratisjen Sasho Mijallkovit

Nënkryetari i VMRO-DPMNE-së, Aleksandar Nikollovski në konferencën e sotme për shtyp akuzoi kryeministrin Zoaran Zaev për arratisjen e ish shefit të DSK-së, Sasho Mijallkov.

“Oliver Spasovski hesht, Radmila Sekerinska nuk është askund, edhe Zoran Zaevit i vjen keq dhe hedh fajin tjetër kund. Kanë 24 orë për ta siguruar të arratisurin nga drejtësia. 24 orë, që Zoran Zaev, Oliver Spasovski dhe pjesa tjetër e Qeverisë të sigurojnë të arratisurin nga drejtësia.Gjithçka që kemi thënë në vitet e kaluara, dhe ajo për të cilën po flasim sot, është konfirmuar, dhe kjo është se Maqedonia drejtohet nga një koalicion kriminal, i cili shkatërron vlerat themelore, i cili shkatërron sistemin e sundimit të ligjit”, tha Nikollovski.