Vonesat për ndërtimin e autostradës Kërçovë-Ohër do të pengojnë turistët

Infrastruktura e keqe rrugore drejt qendrave tona më të mëdha turistike këtë verë do të kthejë shumë mysafirë vendas dhe të huaj, që duan të kalojnë pushimet e tyre në Strugë ose Ohër. E pasigurt, e gërmuar, me vrima, dhe në shumë vende duhet të kaloni nga rruga e vjetër në rrugën e re, dhe anasjelltas nga Kërçova për në Ohër. Rruga është në ndërtim e sipër prej vitesh, gjë që lë një imazh të keq për mysafirët e huaj.

 Është fakt që kur mysafirët të vijnë këtu, ata thonë se ju maqedonasit nuk mund ta mbaroni një rrugë, i thyem makinat. Kjo është e vërtetë. Pas të gjitha kërkesave, në fund fituam që të mbulohen vetëm vrimat në seksionin Kërçovë – Ohër. Dhe nuk mund të bëjmë ne një destinacion, me një infrastrukturë të tillë. Më parë kemi pasur rrugë më të mira, dhe qasje më të mirë në të gjithë vendin sesa që kemi tani. “Në atë drejtim, duhet të mendojmë për gjetjen e mjeteve për ta përfunduar atë autostradë sa më shpejt të jetë e mundur.”- deklaroi Kërste Blazheski-Kryetar i HOTAM.

 Më herët përmes rrugës së vjetër mund të arrinim në Ohër për 1 orë e 40 minuta.  Sot kemi ardhur për dy orë e gjysmë. “Unë mendoj se është një fiasko totale e shtetit, që në vitet e kaluara na ka lejuar të mos e përfundojmë rrugën, dhe të kemi një seksion përmes të cilit do të jemi në gjendje të vizitojmë vendin tonë të preferuar në Maqedoni në periudhë të shkurtër për më pak se një orë e gjysmë “- pohoi Zdravko Josifovski-Kryetar i Odës Nacionale të Gastronomëve.

Hotelierët druajnë se për shkak të kësaj, do t’i humbasin ata mysafirë që duan të vijnë, sepse thonë se shumë më shpejt arrihet në bregdetin grek ose në Shqipëri, sesa nga Shkupi në Ohër, ku duhen midis tre dhe katër orë.

“Pyetja mbetet për mysafirët e brendshëm që janë këtu, se ata do të kenë qasje nga Struga në pjesën më jugore të Shqipërisë, Ksamil me rrugën e re që është ndërtuar, si dhe puna ka filluar në një tunel në pjesën e fundit, që merr kohë 45 minuta deri në një orë, për të shkuar në Ksamil. Kjo rrugë tani do të shmanget, dhe do të munden të shkojmë atje brenda tre orësh.”- tha Kërste Bllazheski-Kryetar i HOTAM .

Kjo pjesë e autostradës, e cila filloi të ndërtohet në vitin 2014, supozohej të përfundonte fillimisht deri në vitin 2018. Afati u zgjat më pas për në qershor 2021. Afati i ri tani është deri në vitin 2024. Por, nuk është e sigurt nëse do të jetë gati edhe brenda këtij afati, për shkak të ritmit të ngadaltë të punëve.

Miki Trajkoski