Vriten 4 anëtarë të një familje në Pozhoran të Vitisë

Një ngjarje e rëndë ka ndodhur në fshatin Pozhoran të Vitisë.

Katër persona të së njëjtës familje janë vrarë.

Këtë lajm për KosovaPress e ka konfirmuar zëdhënësi i Policisë së Kosovës për rajonin e Gjilanit, Ismet Hashani, i cili ka konfirmuar se personat e vrarë janë të një familjeje, por pa dhënë detaje shtesë.

“Fatkeqësisht është e vërtetë. Kemi katër viktima të një familjes. Për momentin nuk i dimë detajet se si ka ardhur deri te kjo vrasje. Unë jam në vendngjarje por nuk po mundem ende me vërejtur. Është këtu edhe ekipi i Mjekësisë Ligjore. Rasti ka ndodhur në ora 18:10. Fatkeqësisht është vrasje familjare, por për gjininë dhe si nuk mund të dimë. Prokuroi i rasti është këtu dhe trupat e pajetë do të tërhiqen për IML”, tha ai për KosovaPress.

Ndërsa burime ende të pakonfirmuara thonë se një burrë ka vrarë bashkëshorten dhe dy djemtë e tij dhe më pas veten.