Xhaferi flet për incidentin në Komisionin për Çështje Evropiane

Kreu i Kuvendit, Talat Xhaferi, sot në një takim me gazetarët, derisa ka komentuar incidentin në Komisionin për Çështje Evropiane, tha se nuk e arsyeton sjelljen e kryetarit të këtij Komisioni, Arbër Ademi, por sipas tij, ngjarja fatkeqe ka qenë e provokuar nga opozita.

“Unë nuk kam kompetencë të kërkoj përgjegjësi, këta janë deputetë, jo zyrtarë. Mësimi është se kjo nuk guxon të ndodhë në Kuvend dhe nuk do të ndodhte nëse ai që është deputet ulet në vendin e tij, tha Xhaferi, duke shtuar se incidentin nuk e ka shkaktuar Ademi, por: “ata që dolën në foltore”.