“Zbulohen” 100 sportistët më të paguar në botë, “s’ka” vend për asnjë atlete

“Sportico” ka zbuluar se cilët janë sportistët më të paguar në planet, së bashku me detajet se sa saktësisht fitojnë. Nuk do të jetë absolutisht një surprizë për askënd që Kristiano Ronaldo është fituesi më i madh, me superyllin portugez duke marrë në shtëpi 275 milionë dollarë të rregullta në 2023, duke përfshirë 215 milionë dollarë në pagë dhe 60 milionë dollarë shtesë në asetet e tjera të biznesit.

Rivali i madh i Ronaldos, Lionel Mesi, është i treti në renditjen e përgjithshme, duke fituar 129.95 milionë dollarë në vit.

Megjithatë, para Messit, është golfisti spanjoll Jon Rahm, i cili mori 202.82 milionë dollarë në vitin 2023, kryesisht falë pagës së tij të madhe dhe fitimeve që arrijnë në 180.91 milionë dollarë. Një nga befasitë më të mëdha në renditje është pozita e lartë e YouTuber-it të kthyer në boksier Xhejk Poll. Amerikani fitoi rreth 47 milion dollarë në 2023, duke e bërë atë atletin e 37-të më të paguar në botë.

Asnjë atlete e vetme, nuk hyri në Top 100. Sportistja femër me të ardhura më të larta në botë është ylli i tenisit Koko Gauff, e cila fitoi 22.7 milionë dollarë vitin e kaluar.

TOP 10 E ATLETËVE MË TË PAGUAR NË BOTË

1: Kristiano Ronaldo – 275 milionë dollarë në total

2: Jon Rahm – 203 milion dollarë

3: Lionel Messi – 130 milionë dollarë.

4: LeBron Xhejms – 125.7 milion dollarë

5: Kilian Mbappe – 125 milionë dollarë

6: Nejmar – 121 milionë dollarë

7: Stefon Kerri – 98.9 milionë dollarë

8: Xhianis Antetokounmpo – 88.4 milionë dollarë

9: Kevin Durant – 86.9 milion dollarë

10: Patrik Mahomes – 84.3 milion dollarë.