Zbulohen 3 futbollistët më të ndjekur në internet në prag të Botërorit në Katar
Sipas një sondazhi të “Semrush”, protagonistët e Kupës së Botës që zgjojnë më shumë interes janë Kristiano Ronaldo, me një mesatare prej gati 14 milionë kërkimesh në internet, Lionel Mesi me 8 milionë dhe në vendin e tretë Nejmar, me pak më shumë se 6 milionë hyrje në motorët e kërkimit.
Duhet theksuar se një arsye tjetër e interesimit për Ronaldon dhe Messin është fakti se Botërori i FIFA-s në Katar do të jetë kompeticioni i fundit botëror në të cilin do t’i shohim të dy duke luajtur. Mesi, 35 vjeç, ka konfirmuar se ky do të jetë Botërori i fundit, ndërsa Ronaldo, 37 vjeç, tha se “mund të jetë i fundit”.
Deklarata që kanë ngjallur kuriozitet të madh, duke i bërë edhe më të njohur në rrjet dhe shumë më të klikuar se katër vite më parë. Të interesuarit për këtë lloj hulumtimi janë kryesisht meshkuj (67%), të moshës ndërmjet 25 dhe 34 vjeç (30%) dhe 35 e 44 vjeç (21%).
Nëse, nga ana tjetër, marrim në konsideratë ritmin e rritjes së popullaritetit online vitin e fundit, skpektri i shkon brazilianit Kasemiro, i cili u rrit me 394%, i ndjekur nga Frenki de Jong dhe Sadio Mané. Nëse numërojmë 4 vitet e fundit, nga viti 2018 deri në vitin 2022, Pedri shënoi rritjen më të madhe (+47.000 për qind), i ndjekur nga Antoni (2.100%).
Të dy ishin shumë pak të njohur në kohën e Botërorit të fundit dhe kërkimet në lidhje me ta ishin afër zeros. Duke marrë në konsideratë vetëm ata që kishin filluar tashmë karrierën e tyre, lojtari me rritjen më të madhe është Hari Meguajer, me +1500%. , i ndjekur nga Kasemiro dhe Robert Levandovski.
