Zbulohen laborator të drogës “amnezia” në Vjenë të Austrisë, arrestohen tre shtetas të Maqedonisë

Sekuestrohen 2,000 rrënjë marijuhanë në periferi të Vjenës dhe arrestohen tre shtetas të Maqedonisë. Në një aksion të përbashkët mes policisë tonë dhe asaj austriake u shkatërrua një grup ndërkombëtar kriminal. Në territorin e kryeqytetit austriak janë zbuluar tre laboratorë ilegalë të prodhimit të drogës, ku shërbimet e të dyja shteteve kanë ndjekur dilerët për t’i kapur në flagrancë. Në bodrumin e ndërtesës ku kultivohej dhe paketohej droga hibride e llojit kanabis që në tregun e zi njihet si “amnezia” kap vlerën e 10,000 euro për kilogram, njoftojnë shërbimet për informim nga Ministria e Brendshme.

- Advertisements -

Bëhet fjalë për laboratorë të pajisur me pajisje të sofistikuara, të vendosura në bodrumin e 3 ndërtesave të banimit, ku u sekuestruan më shumë se 2000 rrënjë marijuhane. Në aksion u privuan nga liria 3 persona që morën pjesë drejtpërdrejt në kultivimin dhe shitjen e mëtejshme të narkotikëve dhe janë pjesë e një grupi më të madh ndërkombëtar të organizuar kriminal, i cili operon në disa vende të Evropës – deklaroi Suzana Pranjiq-Talevska, Zëdhënëse e MPB-së.

Nga Ministria e Punëve të Brendshme thonë se vazhdon me intensitet të lartë të ndjekin të gjitha aktivitetet ilegale për prodhim dhe shitje të drogës në tregun e zi vendor dhe ndërkombëtar.

Gjatë 24 orëve të fundit lëndë narkotike u kapën edhe brenda shtetit. Policia anti-drogë e SPB Tetovë mbrëmë ka sekuestruar edhe 100 rrënjë të llojit “kanabis sativa”. Tre shtetas të tjerë ranë në pranga.

Më datë 16.06.2021 rreth orës 18:00 në rajonin ndërmjet fshatit Nerashtë të Tetovës dhe Radushë të Shkupit, në anën e majtë të lumit Vardar, policia ka privuar nga liria A.Sh. (24 vjeç), R.K. (30 vjeç) dhe I. T. (26 vjeç) , që të tre nga Shkupi, nën dyshimin e kultivimit të “kanabis sativa”. Në vendin ku u gjetën, u zbuluan rreth 100 rrënjë të njëjta në plantacion, disa të mbjella në tokë dhe disa në tenxhere – njoftojnë nga SPB Tetovë.

Bimët e gjetura me sende të tjera u mbajtën për procedurë të mëtejshme, dhe pas udhëzimeve nga Prokurori Publik, personat u mbajtën në Stacionin Policor Tetovë për procedimin dhe dokumentimin e plotë të rastit, pas së cilës do të përgatitet një kallëzim përkatës sipas Kodi Penal për “prodhim të paautorizuar dhe shpërndarje të bimëve narkotike, substancave psikotrope dhe pararendësve.

Adnan Qaili

LEXO EDHE:

Back to top button