Zbulohet emri i yllit të futbollit që do të bashkohet me Murinjon te PSZH
Me largimin e parashikuar të Lionel Mesit në fund të sezonit, trajneri i Roma-s, Hoze Murinjo, që flitet se mund të lidhet me PSZH-në, dëshiron të marrë Hari Kejnin si zëvendësues.
Për shkak të kësaj, sulmuesi i Totenhamit thuhet se është një përparësi kryesore për drejtuesit e PSZH-së. Joshja e trofeve prestigjioze, të cilat i kanë shpëtuar deri tani në një karrierë ndryshe të shkëlqyer, besohet të jetë katalizatori për lëvizjen e tij të mundshme. Ambiciet e sulmuesit anglez ishin të dukshme verën e kaluar kur një largim nga Tottenham ishte në plan, por presidenti i klubit Daniel Levi, refuzoi të gjitha ofertat.
Lajmet nga “Sports Zone” sugjerojnë se Kejn është edhe një herë gati të testojë ujërat e merkatos dhe ulja e mundshme e Mourinjos te stoli i PSZH-së mund të jetë faktori vendimtar. Dyshja kanë punuar më parë së bashku në Totenhamin dhe admirimi i Mourinjos për stilin e lojës së Kejnit është i mirë-dokumentuar. Gjithashtu, transferimi i mundshëm i Kejnit në Paris, shihet mirë nga hierarkia e klubit.
Perspektiva tunduese për të rreshtuar Kejnin përkrah Kilian Mbape-s dhe Nejmarit është tërheqëse. Një sulm i tillë i fuqishëm mund ta ndihmojë PSZH-në të arrijë objektivin kryesor të klubit që është fitorja e Ligës së Kampionëve.
