Zelensky: Këtë vit kemi nevojë për anëtarësim në BE

Presidenti ukrainas, Volodymyr Zelensky, sot në Parlamentin Evropian, në Bruskel, u shpreh se vendi i tij ka nevojë që në këtë vit të anëtarësohet në Bashkimin Evropian.

Ai falënderoi të gjithë ata që ndihmuan Ukrainën dhe Iu qëndruan pranë gjatë luftës.

Zelensky theksoi “historinë e përbashkët evropiane” dhe e përshkroi Rusinë si “forcën më të madhe anti-evropiane të botës moderne”.

Ai tha se lufta nuk ishte vetëm për të mbrojtur Ukrainën, por mënyrën e jetesës së Evropës, duke akuzuar Rusinë se dëshiron të kthehet në “realitetet çnjerëzore” të viteve 1930 dhe 40.