Zelensky kritikon Rusinë për sulmin në ditë feste që la të vdekur babain me të bijën

Presidenti ukrainas, Volodymyr Zelensky kritikoi Rusinë gjatë fjalimit të tij të natës të dielën për sulmin vdekjeprurës të raportuar nga shërbimi i urgjencës i Ukrainës në Zaporizhzhia gjatë natës.

“Kështu e kalon shteti terrorist këtë të dielë të Palmave”, tha Zelensky, duke iu referuar festës së sotme në traditën ortodokse lindore, ndërsa të krishterët e tjerë festojnë të dielën e Pashkëve.

Të paktën dy persona u vranë kur sulmet ruse goditën qytetin jugor gjatë natës, sipas Shërbimit Shtetëror të Emergjencave të Ukrainës, shkruan CNN.

Një burrë 50-vjeçar dhe vajza e tij 11-vjeçare u vranë pasi sulmet shkatërruan pjesërisht një ndërtesë banimi, informuan zyrtarët në Telegram.

Ekipet e shpëtimit nxorën një grua 46-vjeçare nga rrënojat.

“Kjo është mënyra se si Rusia e vendos veten në izolim edhe më të madh nga bota, nga njerëzimi”, u shpreh Zelensky.