Zjarr i madh në një fabrikë të naftës në Liban

Një zjarr i madh shpërtheu në një fabrikë nafte në Libanin jugor, njoftuan mediat shtetërore të hënën, duke thënë se shkaku nuk dihet menjëherë. Agjencia Shtetërore Kombëtare e Lajmeve tha se asnjë punëtor nuk ishte aty pranë kur zjarri ra në një cisternë gjigante të benzinës në fshatin bregdetar të Zahranit.

NNA tha se makinat e zjarrit nxituan në zonë për të ndihmuar në luftimin e zjarrit.

Zjarri është afër një prej stacioneve kryesore të energjisë në Liban, i cili ndaloi së funksionuari dy ditë më parë për shkak të mungesës së karburantit, raporton AP.

Libani po përballet me një krizë serioze të energjisë, në të cilën ndërpritet energjia elektrike deri në 22 orë në ditë.