Zjarri kaplon një shtëpi në lagjen “Koshishta” të Ohrit

Pak pas mesnate ka shpërthyer zjarr në një shtëpi në lagjen “Koshishta” të Ohrit. Për zjarrin në orën 00:35 është njoftuar njësiti territorial i zjarrfikësve nga Ohri, nga ku në rrugën “Andon Dukov” janë dërguar katër vetura të zjarrfikësve dhe shtatë zjarrfikës.

Falë ndërhyrjes së shpejtë dhe në kohë të zjarrfikësve është parandaluar përhapja e flakës nga shtëpia e djegur në objektet e tjera në afërsi. Nga zjarri përveç dëmeve materiale nuk ka persona të lënduar.