Zjarri vë në rrezik qytetin australian të izoluar si pasojë e Covid-19

Një zjarr që ka përfshirë për orë të tëra periferinë e kryeqytetit të Australisë Perëndimore, Perth, ka detyruar banorët të lënë shtëpitë e tyre pavarësisht se qyteti ishte në bllokim për shkak të koronavirusit, raporton BBC.

- Advertisment -

Sipas autoriteteve, të paktën 30 shtëpi në veri të Perth janë shkatërruar nga flakët që tashmë kanë djegur 7000 hektarë tokë. Zjarri u shkaktua nga erërat e forta dhe temperaturat që sot kanë arritur në 35 gradë.

“Për momentin Australia Perëndimore po lufton me dy lloje të ndryshme emergjence; një zjarr të rrezikshëm dhe Covid-19”, tha kryeministri i Shtetit, Mark McGowan, duke e përshkruar situatën në qytet si jashtëzakonisht shqetësuese dhe serioze.

Perth, i cili ka dy milionë banorë, është në bllokim deri të premten, pasi u regjistrua rasti i parë lokal në 10 muaj. Bëhet fjalë për një punonjës në një hotel karantinë që dyshohet të ketë kontraktuar variantin anglez të koronavirusit.

LEXO EDHE:

Back to top button