Zogu blu i Twitter fluturoi në histori, Musk tregoi një logo të re

Pronari i Twitter tha se dizajni “ndoshta do të ndryshojë më vonë, ai patjetër do të modifikohet”. CEO e Twitter Linda Jacarino konfirmoi zgjedhjen të hënën. “X është këtu!”, ka shkruar ajo në profilin e saj.

X is here! Let’s do this. pic.twitter.com/1VqEPlLchj

— Linda Yaccarino (@lindayacc) July 24, 2023

Musk u kërkoi 149 milionë ndjekësve të tij për ide dizajni dhe duket se ka zgjedhur logon, të cilën e tregoi në një video të dielën.

Logoja X ka qenë prej kohësh një obsesion i Musk dhe është emri i tij për “aplikacionin për gjithçka” që ai ka premtuar të lançojë në një moment – dhe besohet se po përdor platformën e Twitter për ta bërë këtë.

Nga rruga, disa përdorues tashmë e shohin logon X kur hapin faqen ose aplikacionin në Twitter, dhe të tjerët ende shohin zogun e vjetër blu.

“Së shpejti do t’i themi lamtumirë markës Twitter dhe gradualisht zogut blu”, ka njoftuar dje Musk në këtë rrjet social.

Me atë rast, ai deklaroi se donte të ndryshonte logon e Twitter dhe pyeti miliona ndjekësit e tij nëse do të dëshironin që ngjyra e sfondit të faqes të ndryshonte nga blu në të zezë.

“X është e ardhmja e ndërveprimeve të pakufishme… një treg global për ide, mallra, shërbime dhe mundësi,” njoftoi Linda Jacarino dje në Twitter.

Logoja origjinale e Twitter, zogu blu, është projektuar në vitin 2012 dhe ende mund të shihet në platformë.