Përfundon intervistimi i Agim Çekut në Gjykatën Speciale
Ka përfunduar intervistimi i ish-komandantit të UÇK-së, Agim Çeku në Gjykatën Speciale. Këtë për KosovaPress e ka konfirmuar avokati i tij, Artan Qerkini, i cila nuk pranoi të jap detaje të tjera.
“Z. Çeku është paraqitur para Prokurorit sot me dt. 28.09.2020. Intervistimi i tij ka përfunduar. Kjo është e tëra që mund t’iu themi për momentin”, tha ai.
Çeku është raportuar se po intervistohet në cilësinë e të dyshuarit.
Ndërsa, sot gjatë ditës do të mbahet edhe seanca e parë e të arrestuarit nga Gjykata Speciale, Salih Mustafa.
