“1 Maji”, protestuesit kërkojnë të drejta të barabarta për punëtorin dhe funksionarin

Gazetar: Ile Petrevski

Konfederata e Sindikatave të Lira organizoi protestën e saj nëpër rrugët e Shkupit. Sindikatat, të cilat kryesisht përfaqësojnë punonjësit e sektorit publik dhe administratën, kanë akuzuar Qeverinë për mosrespektimin e marrëveshjeve kolektive dhe ligjeve që duhej të përfitonin punonjësit. Tema e sindikatave këtë vit është “Për Drejtësi, për Barazi”. Ata u kërkuan autoriteteve që t ‘u jepnin atyre një jetë të denjë.

“Ne po protestojmë për një pagë të mirë, po protestojmë për drejtësi sociale, për respektimin e marrëveshjeve kolektive. Për pesë vjet, ata nuk respektuan ligjet dhe marrëveshjet e negociatave kolektive. Por në momentin e parë kur vihen në pikëpyetje pagat e tyre, atëherë zbatohet ligji”, tha Blagoja Ralpovski – kryetar i KSL.

“Ne nuk pajtohemi “qebap për punëtorin, biftek për qeverinë”, kjo nuk është as drejtësi, as e drejtë, as barazi, ne do të bëjmë gjithçka për të sjellë drejtësi në Maqedoni, drejtësi në aspektin e dialogut social, partneritetit dhe respektimit të të drejtave të punëtorëve”, tha Jakim Nedelkov- SASHK.

Sindikalistët i thanë Qeverisë se ata kërkonin respektim të ligjeve, një standard më të mirë jetese, pastaj respektim të punëtorit dhe ata kërkuan një rritje të pagave sipas ligjit të pagës minimale, K-15 sipas standardeve. /Alsat.mk