13,500 € bonus për punëtorët e kompanisë të njohur për vetura!

Punonjësit fërkojnë duart me kënaqësi pas një 2022 të suksesshëm

Gjatë vitit 2022, Ferrari arriti rezultate rekord biznesi. Prodhuesi italian dorëzoi një rekord 13,221 makina, duke tejkaluar rezultatin e vitit 2021 me 18.5%, dhe fitimet u rritën me 16%.

Gjithashtu, vlera e aksioneve të Ferrarit u rrit me 7.3 për qind dhe parashikimet e biznesit tregojnë se fitimi (EBITDA) këtë vit do të rritet nga 1.773 miliardë euro (në vitin 2022) në 2.13-2.18 miliardë euro.

Pritjet e tilla bazohen në faktin se dërgesat e Ferrari Purosangue SUV do të fillojnë në tremujorin e dytë të këtij viti, me një çmim fillestar prej 390,000 euro.

Kërkesa për SUV-në e parë të Ferrarit është aq e madhe saqë ata ndaluan marrjen e porosive të reja vitin e kaluar.

“Libri i porosive është i tillë që mbulon të gjithë këtë vit dhe një pjesë të mirë të vitit të ardhshëm”, tha Benedetto Vigna, shefi ekzekutiv i Ferrarit.

Pas rezultateve të tilla, kompania vendosi të shpërblejë të gjithë 5000 punëtorët për punën e tyre të suksesshme dhe t’u paguajë atyre një bonus prej 13.500 euro secilit.

Për shkak të kësaj, punëtorët e Mercedesit rezultuan të ishin “të varfër”, duke pasur parasysh se për vitin e kaluar ata morën një bonus prej “vetëm” 7300 euro .

LEXO EDHE:

Back to top button