232 gjoba për shkelje të rregullave në trafik

Ministria për Punë të Brendshme gjatë ditës së djeshme vetëm në qytetin e Shkupit ka shqiptuar 232 gjoba, prej të cilave 62 për tejkalim të shpejtësisë, 19 për ngasje të makinës pa patentë shoferi, 28 për mosdhënien përparësi këmbësorëve.

Sipas MPB-së janë shqiptuar dhe 11 masa për përdorim të telefonit, 18 gjoba u janë shqiptuar këmbësorëve, 9 gjoba për makina teknikisht të parregullta dhe të paregjistruara, 4 gjoba për ngasje të makinës në gjendje të dehur, tre gjoba për kalim në të kuqe në semaforë dhe 52 të tjera për parkim të parregullt.