25-vjeçari vret babain e tij me shkop
Një 25-vjeçar nga fshati Luar i Rosokovecit ka goditur në kokë me shkop babain e tij, i cili ka humbur jetën. Sipas informacionit paraprak të Policisë ngjarja ka ndodhur rreth orës11:50 të paradites së sotme për motive të dobëta
“Sot rreth orës 11:50, në fshatin Luar, Roskovec, në banesën e tij, shtetasi E. R., 25 vjeç, për motive të dobëta, ka goditur në kokë me sende të forta(shkop), babain e tij, shtetasin Dh. R., 52 vjeç, i cili ka gjetur vdekjen e menjëhershme”, thuhet në njoftim.
Policia ka arrestuar të riun dhe po kryhen veprimet e mëtejshme hetimore për zbardhjen e plotë të rrethanave të ngjarjes.
