Greqia shënon rritje të ndjeshme të rasteve të etheve të Nilit Perëndimor, 13 vdekje
Organizata Kombëtare Greke e Shëndetësisë (EODI) njoftoi se javën e fundit, 47 persona janë sëmurë me ethet e Nilit Perëndimor në Greqi, duke e çuar numrin e përgjithshëm të të infektuarve në 157, duke shtuar se 13 persona kanë vdekur nga virusi që nga fillimi i vitit.
Numri më i madh i rasteve është regjistruar në Atikën lindore.
Të ndjerit ishin kryesisht mbi 65 vjeç, dhe nga numri i përgjithshëm i rasteve, 116 prej tyre manifestuan sëmundje të sistemit nervor qendror (encefalit ose meningjit).
