407 raste të reja me COVID-19 dhe 7 viktima në 24 orët e fundit
Ministria e Shëndetësisë njofton se në 24 orët e fundit janë kryer 2 540 teste të dyshuara për COVID-19 dhe prej tyre 407 kanë rezultuar pozitivë, ose 16 % e tyre. Po ashtu në 24 orët e fundit 7 pacientë e kanë humbur betejën me virusin, ndërsa janë shëruar 399 persona. Deri më tani në vendin tonë janë kryer 459 559 testime për COVID-19, ndërsa numri i të infektuarave që prej fillimit të pandemisë është 93 160, ku 82 520 persona e kanë fituar betejën me virusin, ndërsa 2 873 kanë humbur jetën. Numri aktual i rasteve aktive në vend është 7 767.
