60 të vdekur dhe rreth 100 të plagosur nga luftimet e fundit në Gaza

Sulmet izraelite në kampin e refugjatëve Nuseirat dhe qytetin Deir al Balah rezultuan me më shumë se 60 të vdekur dhe rreth 100 të plagosur. Sipas Ministrisë së Shëndetësisë së Gazës, vdekjet e fundit e çuan numrin e përgjithshëm të të vdekurve palestinezë në rreth 32 mijë dhe rreth 74 mijë të tjerë të plagosur. Përveç sulmeve luftarake, Kombet e Bashkuara kanë paralajmëruar për krizë të rëndë humanitare në veri të Gazës. Banorët po përballen me mungesë të kushteve elementare, mungesë të skajshme të ushqimeve dhe ilaçeve. /Alsat.mk