Rama: Rusët që ikin, të mirëseardhur në Shqipëri

Kryeministri shqiptar Edi Rama ka thënë se shtetasit rusë janë të mirëpritur në Shqipëri.

Gjatë një konference për mediat pas mbledhjes së qeverisë, Rama deklaroi se rusët që largohen nga vendi pasi nuk duan të shkojnë në luftë, janë të mirëpritur në Shqipëri. Qindra mijëra shtetas rusë raportohet se janë larguar nga vendi, pasi presidenti rus Vladimir Putin shpalli mobilizim të pjesshëm që detyron rekrutët të shkojnë në front në luftën që Rusia nisi më 24 shkurt në Ukrainë.