Afër divorci me PSZH, Hakimi ëndërron rikthimin në Madrid
Marrëdhënia mes Ashraf Hakimit dhe Paris Sen Zhermenit është “krisur” totalisht dhe ata tashmë duken më të largët se kurrë. Sipas raportimeve të medieve franceze, klubi është i zhgënjyer nga ecuria e mbrojtësit, i cili në vitin 2023 nuk arriti të mbajë një nivel të pranueshëm të performancës, duke shkaktuar gjithashtu shumë diskutime për jetën e tij jashtë fushës.
Për këto arsye nuk mund të përjashtohet një “divorc” në verë dhe sipas asaj që bëjnë me dije mediet franceze, vetë Hakimi do të ëndërronte një rikthim në Madrid, te Reali, klubi që e lancoi në fillimet e karrierës së tij.
