A do të përfshihet opozita në procesin me Bullgarinë? – Përgjigjet Fatmir Bytyqi

Fatmir Bytyqi, zëvendëskryeministr për Çështje Ekonomike, në “Programi 200”, i cili sot zhvillohet në Sofje, atje ku janë takuar dy qeveritë, ajo e Maqedonisë së Veriut dhe Bullgarisë, ka folur në lidhje me atë, se a duhet opozita të përfshihet në procesin me Bullgarinë, shkruan Alsat,

Bytyqi, ka thënë se opozita duhet të përfshihet por që, ky është një proces që duhet të udhëhiqet nga ekzekutivi sepse s’ka formë tjetër.

“Opozita duhet të jetë palë konstruktive në dialog. E thërras opozitën ta sheh me më shumë konstruktivitet këtë proces se që e kanë parë deri tani. Nga dialogu askush nuk humb”, tha ndër të tjera Bytyqi.

“Mendoj se duhet të përfshihet në proces opozita, mendoj se po, sepse në fakt, baza e dialogut në marrëdhëniet bilaterale me Bullgarinë është deklarata e përbashkët në parlament, 5 plus 1 pika, ku edhe opozita dhe të gjithë akterët janë të kyçur, pra nuk e shoh se si nuk ka dorë të shtrirë. Por ky është një proces që duhet të udhëhiqet nga ekzekutivi sepse s’kemi formë tjetër, por është i hapur për të gjithë akterët tjerë në forma të ndryshme”, deklaroi Bytyqi. / Alsat.mk