A e dini se derisa ne flemë, neuronet pastrojnë mbeturinat nga truri ynë

Ndërsa harxhon energji dhe thith lëndë ushqyese gjatë gjithë ditës, truri prodhon gjithashtu produkte të mbeturinave. Dihet që puna e të ashtuquajturit sistem glimpatik është që t’i nxjerrë ato mbetje, por deri më tani nuk kemi pasur një pasqyrë të plotë se si funksionon ky rrjet kanalesh kulluese. Hulumtuesit

e procesit të pastrimit

në Universitetin e Uashingtonit në St. Louis studiuan neuronet që koordinojnë sinjalet elektrike te minjtë. Këto sinjale gjenerojnë valë ritmike që ndihmojnë rrjedhjen e lëngut cerebrospinal nëpër tru, duke e pastruar atë gjatë rrugës.

“Ne e dinim se gjumi është një kohë kur truri fillon një proces pastrimi për të nxjerrë jashtë toksinat që grumbullon gjatë zgjimit, por nuk e dinim se si ndodh kjo,” thanë studiuesit, të cilët zbuluan se modelet e valëve të trurit të prodhuara nga neuronet janë një pjesë e rëndësishme nga procesi i pastrimit të trurit.

Pompat në miniaturë

Ne e dimë tashmë se valët lëkundëse të trurit që kalojnë nëpër kokën tonë gjatë gjumit janë të lidhura me gjithçka, nga proceset njohëse te konsolidimi i kujtesës. Por një studim i ri i publikuar në revistën “Nature” tregon se këto modele luajnë një rol të madh edhe në “zvogëlimin” e trurit.

– Këto neurone funksionojnë si pompa miniaturë dhe aktiviteti i sinkronizuar i trurit inkurajon rrjedhjen e lëngjeve dhe largon mbeturinat nga truri. Nëse zbulojmë se si t’i menaxhojmë këto procese, do të jemi në gjendje të vonojmë dhe madje të parandalojmë shfaqjen dhe zhvillimin e sëmundjeve neurologjike, duke përfshirë Alzheimer dhe Parkinson – shpjegojnë studiuesit.

‘Larja e enëve’

Valët e trurit me amplitudë më të lartë lëvizin lëngun më fuqishëm, zbulojnë studiuesit. Madje është e mundur që të pastrohet truri ashtu siç lajmë enët: me goditje të gjera dhe më pas, nëse është e nevojshme, me forcë shtesë për të hequr qafe dhjamin e rëndë. Hulumtimet e ardhshme do të përpiqen t’i eksplorojnë këto variacione dhe mënyra më nga afër dhe më në detaje. Përveç luftimit të sëmundjeve të trurit, kjo gjithashtu mund të na lejojë të flemë më mirë ose më shkurt.

– Pastrimi i trurit është një nga arsyet pse flemë. Nëse mund ta përmirësojmë këtë proces pastrimi, mund të jemi në gjendje të flemë më pak duke qëndruar të shëndetshëm, supozojnë studiuesit.