A mund të zbulojnë testet në shtëpi variante të reja të koronës?

Shkencëtarët po gjurmojnë dy variante të reja, që të dyja janë pasardhës të Omicron. BA.2.86, i njohur si varianti Pirola, u identifikua për herë të parë në Izrael. Që nga 30 gushti, ai ishte zbuluar në të paktën katër shtete në SHBA, i zbuluar përmes mostrave nga njerëzit me Covid ose përmes ujërave të zeza, sipas Qendrave për Kontrollin dhe Parandalimin e Sëmundjeve (CDC).

Një tjetër variant i ri është EG.5, i njohur jozyrtarisht si Eris. Që nga 2 shtatori, Eris ishte varianti më i zakonshëm në Shtetet e Bashkuara, duke përbërë 21.5 për qind të infeksioneve me COVID-19, raporton Health.

Rastet e COVID-19 janë rritur në mënyrë të vazhdueshme në Shtetet e Bashkuara javët e fundit. Sipas të dhënave më të fundit të CDC, kishte 15.7 për qind më shumë pranime në spital për shkak të virusit nga 20 deri më 26 gusht krahasuar me javën e kaluar. Nga 27 gushti deri më 2 shtator, vdekjet nga virusi u rritën me 10.5 për qind krahasuar me javën e kaluar.

Duke pasur parasysh rritjen e rasteve, ia vlen të kontrolloni datat e skadencës së çdo testi për Covid që keni në shtëpinë tuaj.

Shumë faktorë ndikojnë në saktësinë e testeve Covid, veçanërisht testet në shtëpi, tha Todd Mercak, një nga drejtuesit e programit Rapid Acceleration of Diagnostics (RADx) në Institutin Kombëtar të Shëndetit të SHBA-së (NIH).

Këta faktorë përfshijnë mënyrën se si trajtohen kompletet e testimit dhe sa mirë janë marrë mostrat. Studimet tregojnë se koha kur bëni testin, si dhe sa kohë pas ekspozimit, bën një ndryshim në rezultate.

“Edhe pse nuk janë aq të mira sa PCR, lajmi i mirë është se nëse dikush ka simptoma të Covid, edhe testet e antigjenit pa recetë janë mjaft të mira,” tha Dr. Bernard Cummins, profesor i mjekësisë dhe sëmundjeve infektive në Mount. Sinai në Nju Jork.

Aktualisht nuk ka teste për të treguar se cilin variant keni.

Nuk ka asnjë arsye për të besuar se testet ekzistuese të Covid nuk mund të zbulojnë me saktësi rastet e Covid. Kjo është pjesërisht për shkak se variantet e reja janë pasardhës të Omicron, por edhe për shkak të mënyrës se si janë dizajnuar testet.

Testi origjinal për COVID-19 u krijua për të zbuluar pjesën e virusit që ka më pak gjasa të ndryshojë. Që virusi do të vazhdonte të ndryshonte “u llogarit që në fillim”.

Kur shfaqen variante të reja, autoritetet shëndetësore si CDC, NIH dhe Administrata Amerikane e Ushqimit dhe Barnave (FDA) i studiojnë dhe monitorojnë ato për të vlerësuar nëse testet aktuale do të vazhdojnë të jenë aq specifike sa ishin.

Është e pamundur të përcaktohet nëse testet aktuale mund të kenë nevojë të rregullohen në të ardhmen pasi SARS-CoV-2 evoluon.

CDC rekomandon që të testoheni menjëherë nëse keni simptoma dhe, nëse do të bëni vetëm një test, shkoni për PCR sepse është më i besueshëm.

“Nëse në vend të kësaj bëni një test antigjeni dhe merrni një rezultat negativ, duhet të ritestoni pas 48 orësh ose të shkoni për një test PCR sa më shpejt të jetë e mundur”, shtojnë ata.

CDC rekomandon që nëse jeni ekspozuar ndaj Covid por nuk keni simptoma, duhet të prisni plot pesë ditë pas ekspozimit për t’u testuar. Nëse testi juaj i dytë i antigjenit është negativ, prisni 48 orë të tjera dhe më pas bëni një test të tretë antigjen.