Ademi, sprint 100 metra për të asistuar në golin e Dinamos

Arian Ademi edhe njëherë dëshmoi kualitetin e lartë, duke dhënë maksimumin për Dinamo Zagrebin ose përfaqësuesen e Maqedonisë. Edhe pse ishte në dyshim paraqitja e tij për ndeshjet e kthimit të çerekfinales ndaj skuadrës spanjolle të Viljarealit, kapiteni i skuadrës kroate “shtëngoi” dhëmbët dhe ishte një ndër më të mirëve në sfidën e zhvilluar në Spanjë.

Në minutën e 74-të, Ademi vrapoi nga njër në anën tjetër të stadiumit për të marë pjesë në aksionin e skuadrës kroate në shënimin e golit të vetëm në këtë përballje, me autir Orsiç.

Dinamo në fund pësoi disfatë me 2-1 dhe me rezultat të përgjithshëm 3-1 u eliminua nga Viljareali, që “prek” gjysmëfinalen e Ligës Evropa.