Agjencia Ndërkombëtare e Energjisë: Rusia minon furnizimin evropian me gaz

Rusia po ndikon në furnizimin e pamjaftueshëm me gaz natyror të Evropës, tha të sot kreu i Agjencisë Ndërkombëtare të Energjisë (IEA) Fatih Birol, i cili vuri në dukje se kjo po ndodh në mes të një përplasjeje mes Moskës dhe Perëndimit për Ukrainën.

Organizata mbikëqyrëse e energjisë me bazë në Paris, paralajmëroi se çmimet e larta të energjisë dhe barra mbi konsumatorët, të shkaktuara nga kriza e gazit, e bëjnë të nevojshme vendosjen e kuotave të detyrueshme për magazinimin e gazit nga kompanitë evropiane në të ardhmen.

“Ne besojmë se ka elementë të fortë pengues në tregjet evropiane të gazit për shkak të sjelljes së Rusisë,” u tha zoti Birol gazetarëve, duke vënë në dukje se “furnizimet e ulëta të gazit rus sot në Evropë përkojnë me tensionet e rritura gjeopolitike mbi Ukrainën”.