Aksione policore në Maqedoni, kapet gjysmë ton marijuhanë

Policia ka sekuestruar më shumë se gjysmë ton marijuhanë. Në dy aksione të ndara, Ministria e Brendshme njoftoi se ka ndërprerë dy kanale për transportin e drogës në jug të vendit. Në rastin e parë, është zbuluar se skema e transportit ka qenë Kosovë, Maqedoni dhe Greqi. Destinacioni përfundimtar i 424 kilogramëve marihuanë ka qenë Turqia. Analiza e MPB-së ka treguar se nëse droga do të arrinte në Turqi, çmimi i saj në tregun e drogës, do të arrinte 1 milion euro. Një 47-vjeçar nga Shkupi është ndaluar për organizimin e transportit në vendkalimin kufitar me Greqinë ku i është marrë telefoni. Për ta organizuar transportin e drogës para arrestimit ka qenë në Kosovë për t’i dakorduar detajet.

https://youtu.be/MoU62OXb14I

“Gjatë ditës së sotme, kundër një personi nga Shkupi do të ngrihet padi penale dhe ai do të sillet para gjykatësit për procedurë paraprake”, tha Toni Angelovski, Zëdhënës i Ministrisë së Brendshme.

Policia ka ndërprerë edhe një përpjekje tjetër për të kontrabanduar marijuanë në Greqi. Në bashkëpunim me Agjencinë e Sigurisë Kombëtare dhe Armatën, në një fshat afër kufirit me Greqinë, janë arrestuar dy persona ndërsa u janë gjetur 93 kilogramë kanabis. Para se të ndaloheshin, ata janë përpjekur të ikin.

“Dy persona janë ndaluar. Droga është konfiskuar në afërsi të kufirit jugor në zonën e fshatit Selemri. Gjithashtu, janë realizuar pesë bastisje në komunën e Gjevgjelisë”, pohoi Toni Angelovski, Zëdhënës i Ministrisë së Brendshme.

Ministria e Brendshme informon se pas konfiskimit në fshatin Selimi, ka vepruar edhe policia greke për ta përcaktuar kanalin për trafikun e drogës.

 Bojan Stojanovski