Amerika Latine kërkon Botërorin në katër shtete në vitin 2030!
Amerika Latine dëshiron që Botërori, pas 8 viteve të organizohet në 4 shtete – Argjentinë, Kili, Uruguaj dhe Paraguaj. E gjithë kjo është se në vitin 2030 bëhen 100 vjetë nga Botërori i parë i zhvilluar në Uruguaj.
Asnjë shtet nga ato të lartëpërmendura, nuk kanë infrastrukturë që të jenë vet nikoqir të Botëror. Së paku është thot presidenti i “CONMEBOL”-it, Alehandro Domingez.
“Për përvjetorin e 100-të, Botërori duhet të rikthehet aty ku është filluar, në Amerikën Latine,” tha mes tjerash Domingez në Montevideo.
Pas Botërorit të sivjetshëm në Katar, Botërori i ardhshëm do të zhvillohet në vitin 2026 në SHBA, Kanada dhe Meksiko. FIFA në fillim të vitit 2024, do të vendos se kush do të jetë nikoqir i Botërorit në vitin 2030.
Kujtojmë se Botërori i parë u zhvillua në Uruguai, në vitin 1930. Atë kohë nuk kishte eliminatore dhe secili shtet mund të merrte pjesë. Mirëpo vetëm 13 kombëtare ishin pjesëmarrëse, ndërsa mes tyre ishin vetëm 4 kombëtare nga Evropa.
