Arteta: Ky është futbollisti kyç për Arsenalin në këtë sezon

Trajneri i Arsenalit, Mikel Arteta, ka vlerësuar cilësitë e mesfushorit Bukajo Saka si të jashtëzakonshme, duke e konsideruar 21-vjeçarin si vendimtar këtë sezon.

Në Premier Ligë, ai ka realizuar 12 gola e 10 asiste në 28 ndeshje, duke qenë i pazëvendësueshëm për Arteta-n.

“Ai është shumë konstant në lojën e tij dhe kjo është e rëndësishme, sidomos duke parë moshën e tij të re. Një gjë e tillë është e rrallë për moshën e tij dhe ai e konsideron këtë gjë si shumë normale. Për mua ai ka mundësi të përmirësohet edhe më shumë”, u shpreh Arteta.

“Unë jam shumë i lumtur që e kam në skuadër, pasi pres që ai të përmirësohet edhe më shumë, pasi i ka kapacitetet për ta bërë këtë gjë. Jam i sigurt se ai ende nuk ka dhënë 100% të aftësive të tij, të cilat do t’i shohim me kalimin e viteve, kur do të bëhet edhe më i pjekur në fushë”, tha Arteta.