Babai i Messit: Shpresoj të kthehet te Barça
Leo Messi është ende i lidhur me një rikthim të shpejtë në Barcelonë, dhe babai i tij sapo ka hedhur benzinë në zjarrin e atyre spekulimeve.
Babai i Leos, Jorge Messi, ka bërë një deklaratë për Twitch në Jijantes FC në lidhje me mundësinë e kthimit të djalit të tij në klubin katalanas. Ai është pritur në aeroportin El Prat ku nuk ka mundur t’i shpëtojë pyetjeve të gazetarëve këmbëngulës, ndaj tha shkurt:
“Shpresoj (do të ndodhë), një ditë”, tha ai shkurt.
🚨OJO! Llega JORGE MESSI a Barcelona! Lo cazamos los @JijantesFC en el Prat y dice:
“Ojalá pueda volver Leo a Barceloba, algún dia” #mercato
🎥 @mryusel pic.twitter.com/4SeXC4N4lV
— Gerard Romero (@gerardromero) May 15, 2022
Më herët, trajneri i Barçës, Xavi Hernandez, tha se shpresonte që Messi të kthehej në Camp Nou.
Messi u largua nga Barca verën e kaluar si lojtar i lirë, pa kompensim, por pati një sezon të parë zhgënjyes në PSG. Atij iu desh shumë kohë për t’u përshtatur me stilin e lojës në Francë, ku shënoi mezi 6 gola në 25 ndeshje në Ligue 1. Ndaj në Champions League shënoi 5 herë në 7 ndeshje, por dështoi kur PSG u eliminua në 1/16.
Pavarësisht deklaratës së Jorge Messit dhe dëshirave të Xavi, presidenti i Barcelonës, Joan Laporta, në mars tha se klubi nuk planifikon ta rikthejë Messin, të paktën jo në të ardhmen e afërt.
Duke folur për RAC 1, ai tha: “Nuk kam marrë asnjë shenjë nga Messi apo agjenti i tij për një rikthim të mundshëm në Barcelonë. “Për momentin nuk kemi ndërmend ta ringjallim atë çështje”.
Messi do të mbushë 35 vjeç në qershor.