Bekteshi: Nesër do të merret vendimi për ngrirjen e çmimeve të produkteve higjienike

Në seancën e nesërme të qeverisë pritet të merret vendimi për ngrirjen e çmimeve të një sërë produktesh higjienike, si dhe po mendohet për ulje të çmimeve të disa frutave, njoftoi sot ministri i Ekonomisë, Kreshnik Bekteshi.

“Me shumë gjasa nesër në mbledhjen e qeverisë do të merret vendim për ngrirjen e çmimeve të produkteve higjienike…ne presim edhe analizat nga Drejtoria Doganore në pjesën e çmimeve të importit të raportuara nga tregtarët që merren me fruta. dhe perime, pra të shohim se sa është diferenca në marzhë që gjatë kësaj jave të ngrijmë edhe produktet e importuara, që në përgjithësi janë fruta”, tha Bekteshi.