Berisha kërkon dorëheqjen e Ramës, kjo është arsyeja

Ish kryeministri i Shqipërisë, Sali Berisha ka kërkuar sërish dorëheqjen e menjëhershme të kryeministrit aktual Edi Rama, kësaj here për atë që Berisha e cilëson si skandalin e udhëtimeve me çarterë.

Sipas Berishës, Rama ka shpenzuar në udhëtimet me çartera më shumë se byroja komunistet gjatë viteve të saj në pushtet.

“Rama duhet të japë dorëheqjen, pasi është i vetmi kryeministër që ka realizuar me çarter 137 udhëtime. Nuk ka kryeministër kund që të ketë realizuar me çarter as gjysmën e udhëtimeve të Edi Ramës. 22 milionë euro udhëtime janë një abuzim i çmendur, i shfrenuar. Janë më shumë seç ka realizuar byroja në 22 vite”, deklaroi Sali Berisha, ish kryeministër i Shqipërisë.