Bianca Censori dëshiron të shpëtojë me çdo kusht martesën e saj me Kanye, planifikon të bëhet nënë

Sipas burimeve, Bianca beson se krijimi i një familjeje me Kanye do të shpëtonte marrëdhënien e tyre, por edhe do ta mbronte atë nga sjelljet e diskutueshme.

“Bianca po e bind Kanye që të ketë një fëmijë sepse beson se kjo do të shpëtojë martesën dhe marrëdhënien e tyre”, tha një burim i paidentifikuar për Daily Mail, duke shtuar: “Ajo beson se një fëmijë tjetër do ta mbronte atë nga ngjarjet e rrezikshme në të cilat po përfshihet”.

Pavarësisht nga të gjitha kritikat rreth rritjes së fëmijëve të Kanye me Kim Kardashian, Bianca dëshiron “dëshpërimisht” një fëmijë të sajin për të qetësuar sjelljen e papërshtatshme të të shoqit.

“Ajo e di se sa i mrekullueshëm është ai si baba dhe beson se ai vepron ndryshe rreth fëmijëve të tij – ai është më i vëmendshëm dhe më pak gjasa të sillet në mënyra që mund të shkaktojnë dëm,” vuri në dukje burimi.

Edhe pse disa thonë se Bianca dëshiron vetëm të zgjerojë familjen e saj për të qetësuar reperin kontrovers, miqtë e tyre të ngushtë besojnë se ajo ka motive të fshehta. Ata besojnë se Censori dëshiron të sigurojë veten financiarisht për të ardhmen, duke qenë se martesa e tyre, siç pretendojnë, thuajse ka rënë.

West ka katër fëmijë me ish-gruan Kim Kardashian – vajzat North dhe Chicago dhe djemtë Saint dhe Psalm.