“Buxheti 2022”, debat për mbi 200 amendamente

Në Komisionin Parlamentar të financave dhe Buxhetit ka nisur debati për amendamentet e buxhetit për vitin 2022. VMRO- DPMNE-ja opozitare ka propozuar rreth 220 amendamente me të cilat do t’i kërkohet shumicës, që të ri-ndryshojë plotësisht pjesën e buxhetit, që ka për qëllim mbështetjen e bujqësisë në vend. Sipas kësaj partie, nuk mund të ketë më miliarda e miliarda euro për blerje mobilesh, automjete luksoze për zyrtarët, punësime partiake, shërbime me kontratë dhe transferta të ndryshme, ndërsa mos të ketë pagesë në kohë të subvencioneve, për blerjen e makinerive moderne bujqësore, për rritjen e kapaciteteve bujqësore, dhe për pagesën e mundshme të çdo dëmi, që do t’u ndodhte atyre.