Caktohen koordinatorët e grupeve parlamentare
Partitë politike parlamentare deri tek kryetari i Kuvendit kanë dërguar letër për formimin e grupeve parlamentare. Grupe parlamentare formuan LSDM-ja dhe koalicioni ‘Mundemi’, BDI, VMRO-DPMNE dhe koalicioni ‘Ripërtëritja e Maqedonisë’ si dhe Aleanca për Shqiptarët dhe Alternativa.
Koordinator i i LSDM-së është Jovan Mitreski, ndërsa zëvendësi i tij është Sanja Mirakovska, kurse kreu i Kuvendit, Xhaferi do të njoftohet edhe për zëvendësin e dytë. Kërkesën e kanë nënshkruar 46 deputetë.
Në BDI koordinator është zgjedhur Izet Mexhiti, ndërsa zëvendës-koordinator Arbër Ademi. Për këtë kanë nënshkruar 14 deputetë.
Nikolla Micevski është koordinatori i VMRO-DPMNE-së ndërsa zëvendësit e tij janë Dafina Stojanovska dhe Eli Panova. Për këtë kërkesë janë dhënë 44 nënshkrime.
Aleanca për Shqiptarët dhe Alternativa koordinator të grupit parlamentar do ta kenë Skender Rexhepin, ndërsa zëvendësit e tij janë Syrija Rashidi dhe Ilire Dauti.
