Çfarë do të ndryshojë inteligjenca artificiale në tregun e punës në vitet e ardhshme?

Edhe pse shumë studime kanë treguar rezultate mjaft shqetësuese për ndikimin e inteligjencës artificiale në të ardhmen e tregut të punës, rezultatet e një studimi të kryer nga IBM tregojnë se gjithçka nuk është aq e zezë.

E sigurt është se AI do të ndikojë ndjeshëm, ndoshta dhe rrënjësisht në tregun e punës dhe se shumë do të mbeten pa punë, por ka një anë tjetër të medaljes që tregon një pamje paksa ndryshe. Studiuesit e bazuan studimin e tyre në dy anketa të mëparshme – një i kryer midis drejtuesve të 3,000 kompanive nga 28 vende, dhe tjetri i kryer midis afërsisht 21,000 punonjësve nga 22 vende.

Ajo që konkludohet është ajo që është e qartë për të gjithë, dhe kjo është se me inteligjencën artificiale gjërat nuk do të jenë më kurrë njësoj. Por kjo nuk do të thotë se gjërat do të jenë më keq, përkundrazi. Gjegjësisht, pothuajse 90 për qind e drejtorëve të anketuar besojnë se inteligjenca artificiale nuk do të zbatohet në kompani për të zëvendësuar njerëzit, por për të përmirësuar aftësitë e tyre, pra për t’i bërë ata më produktivë dhe efikas. Mirëpo, për të arritur këtë, pra që njerëzit të jenë më produktivë dhe të mos pushohen nga puna, nevojitet një gjë e rëndësishme – përvetësimi i aftësive.

IBM beson se në 3 vitet e ardhshme, edhe 40 për qind e punonjësve do të duhet të ndryshojnë aftësitë e tyre, domethënë të mësojnë aftësi të reja që lidhen me inteligjencën artificiale. Si përfundim më i rëndësishëm i hulumtimit, theksohet se inteligjenca artificiale nuk do të zëvendësojë njerëzit, por për këtë arsye njerëzit që përdorin inteligjencën artificiale do të zëvendësojnë ata që nuk përdorin inteligjencën artificiale.

Kjo është përsëritur prej disa kohësh nga shumë ekspertë të cilët inkurajojnë punonjësit të edukohen në mënyrë që të jenë gati për kohën kur kompanitë e tyre do të vënë edhe më shumë theksin tek inteligjenca artificiale. Mjetet si Chat-GPT janë aq të avancuara, sa i lejojnë punonjësit të bëjnë më shumë me më pak njohuri. Njohuria apo aftësia më e rëndësishme në të ardhmen do të jetë përdorimi i inteligjencës artificiale dhe mjeteve të inteligjencës artificiale që do t’i lejojnë ata të jenë konkurrues në tregun e punës.

Sa i përket aftësive të punonjësve, aftësitë teknologjike nuk janë më në plan të parë, por aftësi të tilla si menaxhimi i njerëzve, aftësia për të punuar në mënyrë efektive në një mjedis ekipor, komunikimi efektiv, gatishmëria për ndryshim etj.